「差利子丹」氹老婆拉鏈封嘴
昨日「宇宙最強」甄子丹與太太汪詩詩一同出席萬聖節慈善活動，更扮演已故荷里活著名喜劇影星差利卓別靈，為配合「角色」，專業的子丹全程「默不作聲」，即使訪問時也堅持「封嘴」，令詩詩哭笑不得！
甄子丹昨日偕太太汪詩詩、姨仔汪圓圓等一同出席萬聖節慈善活動，為配合「哈囉喂」主題，子丹以已故荷里活著名喜劇影星差利卓別靈造型示人，貼上假鬍子及拿着「士的」現身。而詩詩則笑言扮演老公劇中女角，因現實中無法與老公一起演戲。子丹全程貫徹差利作風默不作聲，只以手勢簡短答話，即使訪問時也堅持「封嘴」，記者跪求丹爺開金口，在旁的詩詩亦撒嬌問：「老公我好攰呀，你真係唔講嘢呀？」但「差利子丹」仍堅守演員道德，只用手勢在嘴巴上做拉拉鏈動作，令大家笑不攏嘴！詩詩表示每年萬聖節都會為子女裝扮，而子丹是次造型亦是她建議：「拍拖初期佢有扮過我睇，我覺得好似，所以叫佢扮番呢個，等大家可以見到佢搞笑嘅一面！」詩詩又謂子丹亦曾扮過小丑，更即場表演雜技！
圓圓短髮 嚇未婚夫
同場的汪圓圓和表妹湛琪清則以型格punk造型示人，其中圓圓更戴上假短髮，問未婚夫蔡加讚有否過目？她笑說：「未睇呀，所以我諗住影張相畀佢嚇吓佢，佢都係鍾意我長頭髮多啲！」她又謂望今年萬聖節能和加讚一起扮鬼扮馬，因這是二人最後一個單身萬聖節！
文：名人組