穿鬆身衫唔怕「大肚」 邱淑貞：收工好耐
甚少露面的邱淑貞（豆斗）、內地男星黃曉明、鍾鎮濤（阿B）、范姜、丁子高、楊千嬅、內地女星黃奕等昨日畀面出席嘉玲的餐廳開幕派對。穿上鬆身衫的豆斗表示前來試菜，更自嘲很為食。問到會否怕穿鬆身衫被指大肚？她笑言不怕，因穿了高跟鞋，並謂收工好耐，暑假則忙湊小朋友。她透露大女沈月讀完中學便會送她到外國讀書。記者讚大女與她一樣美？
她笑言：「佢靚啲。（咁靚女多人追？）佢先12歲，唔好嚇我。（畀佢做model？）咁要瘦啲，佢依家正常，但佢發緊育，唔食嘢唔識高。」
另外，曉明直認跟電影版《衝上雲霄》接洽中，看過電視劇後大讚吳鎮宇做得好，期待合作。問他會否找緋聞女友Angelababy演空姐？他即友善兼雙手合十說：「好了，謝謝！」而阿B表示剛下機感到頭暈，他透露中秋節會與囡囡鍾懿到中秋晚會表演，但玩花燈不能少了女友范姜，笑言「冇『老婆』搞唔掂」。
