《神奇4俠》（Fantastic 4）女星謝茜嘉艾芭（Jessica Alba）平日又做生意又拍戲又要湊女，忙個不停，難怪周一與友人於美國欣賞網球賽時，即變大細路自娛玩自拍！當日與友人到場的她未有專心睇波，更以手機自拍大頭照，笑到「見牙唔見眼」，表情趣怪，令無份入鏡的友人都不停微笑。反而前座的女星雅曼達施菲（Amanda Seyfried）就全程木口木面！而謝茜嘉前日湊細女Haven外出就回復靚媽身份，抱住俯於胸前甜睡的B女，場面溫馨，同日又扮靚，現身時裝騷撐設計師Narciso Rodriguez。