城城不勝祺煩：唔好太過分

郭富城、何韻詩和Jessica C.等前晚盛裝打扮，到啟德郵輪碼頭出席「全新Audi A3 Sportback發布會暨VIP派對」。全晚以JC最性感，谷出一對「爆錶警鐘胸」，引得身旁踩高蹺的男雜技員喪（目及）。獲大會送贈限量版Audi R8名車的城城難掩喜悅之情，更笑言自己是汽車品牌的VVIP：「全香港得兩部，真係好開心，一定會揸出街。」

若拍拖一定公開

雖然香車配美人，不過城城強調目前單身，又主動澄清最近與葉熙祺的緋聞：「最近好多不實報道，講埋呢次唔再回應。娛樂新聞笑吓就算，唔好太過分。」他強調與女方只是朋友關係，問是好友還是普通朋友？他堅定回答：「朋友。（有冇送戒指？）唔評論不實報道，對方亦發咗聲明話係不實。」

葉熙祺十八歲才知親生父親是誰。（資料圖片）

城城前晚型仔打扮出席發布會。

問城城與葉熙祺認識多久？會否覺女方借他上位兼叫她低調一點？城城三度說：「唔評論呢樣嘢。」最後補充：「緣分要嚟擋都擋唔住，現階段冇拍拖，當有呢一日一定同大家分享。希望今日起唔會再有不實報道，虛構嘅嘢唔使再講。」提到舊愛熊黛林取消關注他微博時，城城似乎不太在意：「冇睇，冇所謂。每個人都有關注同唔關注，最緊要開心。」

JC谷行招牌警鐘胸，成為全場焦點。

何韻詩帶病上陣獻唱，事後她稱一個人生活：「病都係自己煮粥食」。

葉熙祺身世坎坷

另外，葉熙祺接受內地訪問時，自爆身世坎坷而產生戀父情結。她坦言十八歲才獲悉一直叫的「叔叔」是父親，故她現時每隔三年會到港相聚。提到城城時，葉熙祺直言喜歡他：「他很為朋友着想，對我很有心，我們是聊得心事的朋友，唯獨他不解溫柔。」

文：音樂組