Cara G.慳錢瑪麗生B
不少明星、模特兒都選擇在私家醫院生仔，不過早前造人成功的模特兒Cara G.就決定在本港公立醫院分娩，原來Cara在三個月前剛取得香港身份證，成為真正香港人，可享用港人應有的醫療福利，慳回一大筆，認真幸運。
養一個人仔並非易事，早前大肚的模特兒Cara就曾揚言產後要盡快修身，可以早日復工搵奶粉錢，昨日她與老公Jesper恩愛現身金鐘，Cara透露為慳錢已決定在公立醫院生仔，她說：「我一知道自己有咗之後，就即時去醫院訂位，我會喺瑪麗醫院生，因為私家醫院太貴，我寧願慳番啲錢畀BB將來讀書。」原來Cara在港剛住滿七年，三個月前才取得香港身份證，所以她可以以港人身份享用政府醫院的醫療福利，相比私家醫院生仔動輒數萬元入場費，政府醫院價錢相宜得多，可謂佗B佗得着時。
做瑜伽易分娩
見Cara身材依然苗條，她表示懷孕初期重了7公斤，但現時體重已回落，她解釋：「我向來食素，食得好健康，但有咗之後一見到啲綠色食物即時想嘔，所以食咗好多麵包之類嘅澱粉質食物，體重升得好快。不過依家胃口已經正常番，我食番之前食開嘅嘢，所以體重跌番，只係重咗4公斤。」Cara稱現時仍然容易感到疲倦，不過，她堅持每星期做三至四次瑜伽，以保持身體健康以及分娩時更容易。
文：名人組