廖碧兒莊思敏 交流溝仔經
廖碧兒與莊思敏前晚同場，二人均以低胸裝上陣，大鬥性感，但以碧兒更有睇頭。兩女曾是林忠豪舊愛，初時表現尷尬，但最後終肯合照兼齊齊接受訪問，莊思敏更揚言不抗拒合作。
前晚廖碧兒、莊思敏、陳嘉桓、汪圓圓等靚女盛裝出席「香港傳藝節2013．仁濟慈善晚宴」，同場展示何國鉦時裝騷。林忠豪的前度廖碧兒與緋聞女友莊思敏分別穿上超低V晚裝露半球，及低V掛頸晚裝。記者要求二人一同做訪問時，雖然她們有一刻尷尬，但仍表現大方，最後也順應要求合照兼齊做訪問。問到同場是否感尷尬？莊思敏笑言：「緋聞係假，唔好亂信。」至於她所指的是否包括碧兒與林忠豪的緋聞？碧兒即說：「佢都幫緊我（答）。」
食親飯都傳緋聞
記者笑指莊思敏也有葉念琛的新緋聞男友，着碧兒要加把勁，莊思敏澄清說：「緋聞嘅嘢唔好信，我成日同人食飯，同親我食飯都傳緋聞。」碧兒搞笑地稱也要努力找朋友食飯，但談到有傳林忠豪將結婚，碧兒語氣冷淡：「冇理人哋啲嘢。（幾時到你？）順其自然。」莊思敏坦言大家也心急找另一半，笑謂待會吃飯時要跟碧兒好好交流一下；問到二人算不算朋友？她稱只在工作上見過面，但不抗拒合作。甚少在港的碧兒透露現時忙於在內地拍攝兩套電影，非常忙碌，感情生活豈不是很dry？她無奈說：「冇計啦，工作嘛，忙都開心。」
陳嘉桓高貴露胸
同場陳嘉桓以低胸透視連身裙上陣，當記者讚她打扮性感時，她說：「時下風氣唔係露就靚，我呢啲叫高貴，有視覺效果，已經做足安全措施。」見其胸前有陰影位，問她是否再度發育？她解釋可能因為胸前的網紗而產生錯覺，再問上圍是否加工？她強烈否認：「梗係冇啦，可能代言嘅瘦身產品令手同腰瘦咗，突出咗某個部位，不過個胸冇瘦。」
文：名人組