(13)歐陽巧瑩試戴后冠無懼「撻Q」

是非佳麗(13)歐陽巧瑩昨日獲港姐冠軍張名雅抽中，率先試戴價值390萬的金鑽后冠，不過乍看后冠卻被歐陽巧瑩的面孔更大，令人不禁有「冇咁大個頭唔好戴咁大頂帽」之感。無獨有偶，以歷屆港姐紀錄計算，多數被抽中試戴后冠的佳麗最終亦「撻Q」跟冠軍無緣，歐陽巧瑩亦坦言：「都有聽過，但凡事都有可能，我會用平常心盡努力，好似之前奪得『友誼小姐』我都唔覺得一定要攞到，最緊要贏自己。」問她連中兩元可擔心運氣用盡？歐陽巧瑩似乎未有動搖，反辯自己未必只是靠運氣，並對自己付出的努力有信心，但她亦為能試戴后冠大感開心：「人生唔係成日有咁嘅機會。」