莊思敏漏戴bra極度胸險
模特兒莊思敏向來敢拚敢搏，經常以性感姿態示人，而前晚她真空上陣穿着透視裝出席活動，自爆忘了戴bra，全程以手按實上衣慎防走光，甚為驚險！
模特兒莊思敏前晚與傅嘉莉（Kelly）一同出席Harvey Nichols時裝活動，二人均以性感透視裝示人。最為搶鏡的必定是真空上陣的莊思敏，她自爆當天忘記戴bra便出門，全程以手按實襯衣，慎防走光。她表示接受以此造型出街，但動作不可以大。問到會否怕男生貪圖其性感而非美貌，她笑說：「冇得驚，可能鍾意我口衰！」
莊思敏透露最近拍了兩部電影，都飾演乞人憎的角色。至於第一眼會看男生哪部位時，她表示眼睛和牙齒：「第一吓望人對眼，牙就不停講嘢會見到。有次見過個男仔啲牙好黃同唔齊好恐怖，不過唔抗拒人食煙。」
傅嘉莉被插唔開心
而以透視現黑bra現身的傅嘉莉表示愛穿套裝內衣褲，無論sexy、elegant抑或pure樣樣有。提到她在劇集《衝上雲霄Ⅱ》中索維他命水引起網民嗌煩，她表示：「呢幕係加上去，表達有幾鍾意亦風（吳卓羲演），（覺得TVB劇重口味？）唔會嘅，聽到有唔好嘅（評語）都會唔開心，但咁先有進步空間。」
文：名人組