阿倫偷運乖仔慶生 志偉醉盡興
人緣甚廣的譚詠麟（阿倫），近日連環與好友慶祝63歲的生日，前晚阿倫於西環一間中菜館包房設宴賀壽，多位圈中好友前來到賀，紅顏知己Wendy及兒子曉風亦是座上客，為避開記者，阿倫在散席前已低調運走兩人。至於逢飲必醉的曾志偉，最終要五名大漢「碌」出門口，打橫抬上車走。
生日願望香港好
一眾好友曾志偉、李克勤與老婆盧淑儀、鍾鎮濤（阿B）與女友范姜、陳百祥與黃杏秀、鄺美雲、拉姑及老公鬍鬚Kong等前來到賀。約晚上10時半，張智霖（Chilam）與沈嘉偉先後步出，Chilam表示約了朋友食飯，但知道校長生日，已主動向對方送祝福。
至凌晨1時，壽星仔阿倫送友人離開，問到收到甚麼禮物？他說：「好多好多。（生日願望？）好大喎！希望香港祥和啲，多啲包容。（囝囝有冇嚟？）有，走咗啦！仲唔喺你哋嚟之前走咩？（有冇送禮物呀？）有，但唔會講畀你哋聽。（咁Wendy呢？）走咗啦！（有冇唱番幾首歌呀？）有呀，真係得幾首咋！太多飲醉嘅人搶咪喇！」未幾，見飲至大醉的志偉，坐在有碌轆的椅子上，全無反應，由五大漢抬落門口，再要四人合力抬上車走。
另外，阿倫在微博上載不少Party相片，其中數張是志偉的醉相，並寫上：「每次到喜慶場合志偉都高興過主人家，今水唯有出動左麟右李照顧他！」當中亦有不少好友留言送上祝福。
文、攝：追蹤組