Mia寸一地玻璃 叫新娘睇路
o靚模陳靜儀（Mia）的前夫莊先生與盛女Whitney閃婚，前晚Mia於活動中寸爆指Whitney揀了條「玻璃路」，插爆前夫至今未負過做爸爸責任，即惹起Whitney於facebook發炮還拖，事後Mia於電話中再寸Whitney：「不如睇清楚佢（前夫）為人先講。」
盛女Whitney前晚於Facbook宣布已與周秀娜師妹陳靜儀（Mia）前夫莊先生閃婚，並晒甜蜜婚照，另一邊廂Mia前晚出席泳池派對，大晒4吋事業線，問到前夫結婚會否心酸？她寸爆地說：「恭喜佢（前夫）囉，其實過咗咁耐，條路佢自己（Whitney）揀，呢條係玻璃路。」其後再插爆前夫：「佢做唔到爸爸責任，從來無收過佢一分一毫，我自細同父母分開，都想小朋友有Daddy媽咪。」至於前夫有否見過一對仔女，她說：「佢自己會搵，密唔密就ok啦。」
網上駁火
眼見Mia插爆前夫莊先生，Whitney昨日於facebook還拖，雖然未有開名鬧爆Mia，但言語間轟對方說話失實，並說：「婚姻是兩個人的事，雙方有責，並不要結局爛尾就將責任全推到對方身上。」昨日Mia接受電話訪問，對於Whitney的言論，她拋出金句：「人在做，天在看。」她再寸爆Whitney：「雙方都有責任，但冇見過佢負任何責任，再婚冇問題，不如佢（Whitney）睇清楚個人先再講。」
黃榕失手
另外，前晚的泳池派對還有李曼筠、黃榕、鍾蕙芝等o靚模，其中只有黃榕以泳衣上陣，李曼筠更索性封胸，不過黃榕她老貓燒鬚上下失手，露出砵仔糕及護墊，當她兩次落水博搶鏡時均被工作人員阻止，相當尷尬，而未知是否不熟水性，她在池邊擘腿上落水，狀甚狼狽，事後她直言不怕走光：「我貼咗乳貼同脫咗毛。」至於鍾蕙芝則眼睛及下巴明顯與以往有分別，疑似整容。
文：專案組