鄭俊弘減Job備戰《星夢》
因參與無綫節目《星夢傳奇》而人氣急升的鄭俊弘，被傳近期因活動頻密遭公司箝制。鄭俊弘昨聯同樂隊HOME成員Sunny、Sam及Tommy等出席商場活動，獻唱他們創作的歌曲。鄭俊弘受訪時否認接job多咗：「我今次係以樂隊形式出席活動，公司都冇箝制我，同公司傾過，因比賽在即，唔想分心，係我要求減少接job。」
鄭俊弘說HOME於08年組成：「我一直有夾band同創作音樂，夠歌都想出唱片，希望有唱片公司簽我哋。」昨日見鄭俊弘面上爆瘡，他說沒護膚心得，並說因晚晚夾band唔夠瞓才爆瘡。