陳奕迅難頂尖叫又寸歌迷
「吹神」陳奕迅（Eason）昨日在屯門V city舉行簽名會，獲逾百粉絲撐場，有粉絲更帶來其個唱的25張票尾索簽名。不過，有粉絲在Eason說話時大叫，他即笑住寸爆粉絲：「使唔使介紹我個醫生畀你？」有報道指Eason早前飛往英國治療躁鬱症，他解畫說：「我講吓笑咋，我邊有病？放完假荷包『乾硬化』就有。」
另外，談到好友容祖兒早前不認同Eason恃病鬧歌迷，他澄清自己在個唱上對歌迷的說話是反諷，而非責罵。提及日前上載了一張同林子祥（阿Lam）的「互掐照」，Eason說：「係阿Lam叫我掐住佢影o架，我試緊大家有冇幽默感，我唔信笑住掐都可以話我哋係死對頭！」
