袁詠儀趁着昨日農曆生日，與老公張智霖（Chilam）齊齊出海放生，笑言全年最有佛心之日，對於有指她退休，她否認之餘更指暫不「收山」。Chilam擔演的熱播劇集《衝上雲霄II》明晚發展至他目睹吳鎮宇、陳法拉已成為情侶，感情受挫。
袁詠儀（靚靚）昨日農曆42歲生日，晨早便跟老公Chilam齊齊出海放生，原本放生行動於Chilam生日時進行，但因之前打風，二人前日齊齊於大陸「夫妻檔」搵完銀後，便趕返港於靚靚的農曆生日進行。
靚靚放了不少放生魚類水產的照片上微博，兩公婆表現如大細路般興奮，她昨日接受電話訪問中打趣說昨日是全年最有佛心之日：「其實除咗放生，我仲會食齋同戒殺生，農曆生日都唔會特別慶祝，不過父母會封大利是畀我。」
說到Chilam今年賺得多，會否額外送特別禮物給她？靚靚笑言：「唔會，我哋呢啲放長線。」此外，有指靚靚會退休追B，對此她哈哈大笑否認，更指大家太有想像力，她說：「之後都要返大陸幫套大陸劇補戲，明年3月我都接咗套大陸電影，我又點收山？總之我唔會收山，起碼依家仲有大把嘢做，不過始終有小朋友，都會計吓自己兼唔兼顧到。」
此外，Chilam在《衝上雲霄II》中演的Cool魔，他跟陳法拉飾演的何年希分手後，一直未能忘情，而法拉與吳鎮宇飾演的Sam哥擦出愛火花，三角關係白熱化！
明晚便會播出Cool魔在機場見到Sam哥與何年希已成為情侶，下周二人更一吻傾情，令Cool魔感情大挫！另方面，身在青島的法拉昨於微博上載一張有其肖像的啤酒樽相。
此外，劇中演員將於周日（25日）於商場造勢，除了吳鎮宇、胡杏兒要開工未能出席外，其他演員傾巢而出，為配合劇情，還請來魔術師甄澤權即場教Cool魔施魔法，大搞據頭，將何年希變回Cool魔的懷抱。而演員亦會教現場觀眾砌Q版飛機仔Baby Skylette。稍後劇情會播映Cool魔在倫敦找回何年希的帶鎖手鐲，而該手鐲正於淘寶網出現多個老翻版本，由30多元到60多元不等，而緣分天使Triangel和Cool魔型爆黑超這些產品亦於網上熱賣。
文：影視組