黃宗澤讚杏兒： 唔Fit點除衫?

黃宗澤姣爆Look搶鏡，陳法拉則高貴性感。

黃宗澤（Bosco）、陳法拉、汪圓圓等前晚出席M.A.C秋季彩妝派對，畫上粗眼線和搽指甲油的Bosco姣味十足，他笑言是配合主題。大會在台上指他與法拉演出舞台劇，Bosco解釋只是坐在台上的餐枱前聽男演員唱歌。提到他前女友胡杏兒在《衝上雲霄Ⅱ》穿三點式上陣，他口快快指對方經常着三點式，知講錯說話的他接着緊張解釋：「係話呢類劇情成日有。（杏兒身材係咪好Fit？）我冇睇過部戲，不過唔Fit點除衫？但我真係未睇過啲相！（你緋聞女友岑麗香同前女友都同劇演出，邊個身材好啲？）公司有幾多人？個個都好，總之TVB人才濟濟，個個身材好。」Bosco坦言每次看杏兒的新聞不會感到忐忑，反而緊張自己是否又傳緋聞。

法拉離罩

穿紅色Tube dress現身的陳法拉有少少離罩，她直認裙子有點鬆：「我近排做多咗運動，結實咗。（為情消瘦？）唔係。」提到有網友發現她與Sam哥在墾丁的戲份不連戲，Sam哥的底褲由啡色變紅色，法拉解釋一場戲有時分兩日拍攝，並笑言當日沒有看見Sam哥換底褲。至於她在劇中經常舉起雙手大笑，她表示為突顯角色Holiday的情緒。

左起：劉俐、杏兒、香香及孫慧雪日前的「泳衣劇情」被網民熱烈討論。

汪圓圓現忙籌備婚禮。

另外，準新娘圓圓被問到婚禮籌備進度時，她即大呻花了很多時間籌備婚禮：「我性格係諗人哋多啲。（嗌交？）唔係。我就人哋多啲，如果只係就自己，好快就搞掂。但其實佢哋只係想我開心，係我諗多咗。」她又稱將與未婚夫蔡加讚去試婚禮蛋糕：「十一月婚期就到，我諗我應該會愈嚟愈瘦，又或者叫佢增肥，咁咪顯得我瘦囉！」

文：名人組