莊思敏妹妹莊思明（Lisa）與胞姊一樣，雖然與陳慧琳弟弟陳司翰翻撻多時，又經常拍拖斷正，但繼續否認以保戀情。日前二人被撞見在中環撐枱腳，同行還有幾名好友電燈膽，當中最離奇竟然發現林忠豪前女友Carol。據知，Carol因劉晨芝介紹，跟Lisa成為好朋友。
當晚大約8時許，Lisa刻意與陳司翰前後腳進入餐廳，後來又被安排面對面坐，全程Lisa只顧深情望實男友。其後眾人步行往戲院睇戲，Lisa與陳司翰依然唔敢行埋一齊，搵朋友掩護分批入場，估不到兩姊妹拍拖連節目亦咁一致。
