官恩娜行騷有壓力
模特兒出身的歌手官恩娜昨日以嘉賓身份欣賞時裝騷，被問到可會技癢想行騷？她說：「有時見到人哋行得靚都想行，不過其實行騷壓力好大，因為有好多對眼望住。」她又憶起了18歲時邊喊邊行騷的經歷，當時她為髮型騷演繹一個非常誇張的蟒蛇髮型：「嗰條頭髮蟒蛇好重，仲綑住我塊面，我覺得好驚，好不安同埋好唔舒服，結果就喊咗出嚟，我本來想做到一半就唔做，但其他人勸我要貫徹始終，唔可以中途放棄。」
提到陳靜日前表示要退出幕前一事，她坦言一定會遇到不開心的時候，但自己入行以來得比失的多，她直言：「嗰啲唔開心取代唔到我對呢行嘅熱情同熱愛，我都會同自己傾偈，同自己講要撐住。」