何紫綸捧新人撼o靚模
模特兒何紫綸（Ann）昨日為旗下的形象公司舉行第一炮宣傳比賽，找來兩位有意投身模特兒界的女生參賽，由Ann訓練二人成為模特兒，打擊時下o靚模：「我想捧有質素嘅模特兒，唔係入書展倒奶就叫模特兒，要灌輸畀人知真正嘅模界係點，要糾正。」她更謂不要當模特兒是入娛樂圈的捷徑，應先做好模特兒的工作，再考慮其他發展。
擁有超過十年模特兒經驗的她直言自己入行時師姐教導她要做功課：「工作前要做好資料搜集，機會唔係成日有，要有基本態度，要勤力、唔好遲到、要謙虛，唔係要人服侍你。」她會將這些心得教授徒弟，讓新人上位，又笑言自己屆時可以退休。而參賽者鄭逸嵐（Leanne）及林茵茵（Gobie）大讚從Ann身上學到真正模特兒的技能。