葉蒨文怨遲報喜等做契婆

霍啟剛與郭晶晶成功造人後，霍家上下對晶晶佗B一事均三緘其口，貫徹低調作風，連身為晶晶奶奶好友的Sally對晶晶的預產期也不清楚，可謂保密功夫做到足。前晚Sally出席全新平治S系列豪華房車發布會兼擔任表演嘉賓，現場獻唱三首名曲。提到朱玲玲快榮升嫲嫲，她說：「我唔知呀！早三星期見到佢，佢先話我知晶晶就生，我即刻問佢『幾時呀？做咩唔話我知？』之前因為各有各忙屋企嘅事，所以冇提起晶晶生B。」她還好奇地追問記者知否晶晶何時分娩。問到會送甚麼禮物給BB時，她甚為苦惱：「Oh my god！未諗到。（知唔知係仔定女？）唔知，我之前都係睇雜誌見到晶晶大肚相先知晶晶有BB。（會唔會同BB上契？）冇要求，如果上契係做契婆婆，唔係契媽。」

撐老公隻歌好聽

另外，提到由她老公林子祥主唱的劇集《衝上雲霄II》主題曲被網民劣評，Sally力撐老公說：「佢有畀我聽，I like it，聽歌好個人，有人鍾意，有人唔鍾意，大家Taste唔同，每個人都可以發表自己意見，冇問題，唔可能令個個人都開心。老公冇唔開心，佢唔知呢件事，因為佢喺美國，我哋又唔識睇微博。咁多年相信都有好多人寫過我，唔緊要，睇吓意見係OK，但唔會改變自己做法，做番自己。」

葉蒨文與品牌總裁Andreas Binder合照。	林德信歌影雙棲，發展不俗。	朱玲玲將榮升嫲嫲，自然笑逐顏開。（資料圖片）

而林子祥兒子林德信昨日回應有關爹哋新歌被插一事亦與Sally口徑一致，他又透露10月將會推出新唱片，爹哋也有給他意見，稍後他會拍攝黃百鳴的賀歲片，飾演一名瑜伽導師。

文：名人組