周秀娜密謀北京買磚頭

影帝任達華在世界各地置業掀起一股購樓風，早前黃宗澤出席活動也表示想仿傚華哥，在自己喜歡的地方買磚頭，這股購樓風可謂一發不可收拾，歐美亞洲也有支持者，想在亞洲區置業的鍾浠文，心儀泰國買三層高樓房、娜姐周秀娜則想在北京或馬來西亞置業，好讓自己在拍戲辛苦時，也有回家的感覺。

「宅男女神」周秀娜：「我會想喺北京或者馬來西亞買樓，因為我拍劇成日都去嗰度，如果買樓，就會好似有個自己屋企咁，會舒服啲。」

藝人袁嘉敏：「我想喺法國巴黎買，之前做嘢去過，覺得嗰度好浪漫。同埋我好想去睇時裝騷，嗰度啲人好多時會着啲懷舊風嘅衫，我真係好鍾意。」

模特兒鍾浠文：「我想喺泰國買樓，嗰邊啲樓平過香港好多，三、四百萬喺香港只可以買到好細間，但喺嗰邊就可以買到三層！而且我平日都鍾意去泰國旅行，可以去度假。」

藝人謝婷婷：「我想喺紐約買，因為我之前喺嗰邊讀一個演藝課程，住咗一個月。覺得嗰度啲人好友善，每個人都做自己鍾意嘅嘢，真係好吸引。最好就係當我嘅summer house，得閒我就過去住。」

模特兒Angelababy：「其實我之前諗過喺日本買樓，因為早排啲円低，不過最後都係冇買到，因為喺我想入嘅時候就升番。其實我買樓都係視乎當地個匯率同樓市，主要係為投資而喺外地買樓，唔係自住。」

名模馬詩慧：「我想喺美國買樓，因為細女依家喺嗰邊讀緊書，咁買咗樓就會方便佢多啲。而且美國地方大啲、空氣又好啲，細女成日都話喺香港皮膚會差啲。」

影帝任達華：「我想喺英國買樓，因為我鍾意睇英超，咁喺我過去睇波嘅時候就可以度埋假。」