林峯plan做老竇仔女都錫

多棲藝人林峯昨日與廿位候選佳麗出席六福珠寶《「愛很美」電視廣告首播會》，他在台上與一名小女孩合照時大顯父愛，還主動吻她的小臉一下，揚言將來做爸爸時一定會寵壞女兒：「其實生仔定女都冇所謂。（有冇同女友吳千語傾過結婚生仔？）私人嘢唔講。」他表示有成家立室的計劃，幸父母已有孫湊，故完全沒給他催婚壓力。談到(15)蔡思貝貌似千語BB，林峯即說：「冇留意佳麗。（拍拖後唔敢望女仔？）唔係，工作為主。」

林峯是次只留港一天便要返回橫店拍攝古裝劇，故無法出席今晚舉行的新城國語力頒獎典禮，因而提前獲頒兩獎。他透露橫店氣溫高達四十多度，令他數次險中暑！問他只得一天留港，是否無法與女友食飯見面？林峯風騷自爆：「已經食咗！」

林峯昨日只留港一天，與廿位候選港姐出席活動。

（左起）林伊麗、蔡思貝及陳偉琪各展美態。

陳偉琪否認雙性戀

另外，(20)陳偉琪在微博性取向一欄自稱是雙性戀，她解釋：「只係click錯掣，雖然我開咗微博好耐，但都唔太識用，我之前仲喺性別嗰欄寫咗係男仔好耐，係朋友提醒先知。（(1)張敬仁都傳過係雙性戀？）佢都澄清咗話冇，但我唔歧視雙性戀及女同性戀者。」

(10)林伊麗憑其感人故事獲選「最佳『愛很美』演繹佳麗」，贏得一個鑽石吊墜，她大讚頒獎嘉賓林峯好靚仔；而(15)蔡思貝在台上表現緊張兼甩嘴，她解釋因其他佳麗的故事太感人而令她感觸：「我係水瓶座，比較感性，情緒好影響我，都要學下控制。」

文：影視組