許廷鏗闖潮界出自家品牌
許廷鏗（Alfred）昨日化身「潮廷」，到屯門「V city」為其親自設計的Coins Bag簽名，他表示希望擁有一個自家品牌，而正為演唱會準備的Alfred笑言可能患上「開騷恐懼症」！
歌手許廷鏗昨日現身新鴻基地產（新地）於屯門的「V city」，為歌迷於他親自設計的Coins Bag簽名，現場亦吸引大批粉絲捧場，舉牌支持。新鴻基地產代理有限公司助理總經理（租務）孫雅茵特別送上VIP卡，祝賀Alfred成為V city的會員及首位在該商場進行活動的歌手，而Alfred識做地以Coins Bag作回禮！Alfred在台上讚V city品牌包羅萬有：「 我頭先行過見到有好多我鍾意嘅舖頭，有時裝店、化妝店、仲有我最鍾意嘅食店，可能大家平時行街都會見到我喺隔籬食嘢。」
患演唱會恐懼症
之後Alfred表示正為年底的演唱會作準備，緊張的他笑言可能患上「演唱會恐懼症」，他說：「鍾意呢類型活動可以同歌迷見面，畀到信心我，不過始終第一次搞大型音樂會，會擔心賣飛情況，今日算係打咗支強心針，可能我有『演唱會恐懼症』。」而首度設計潮物的他笑言希望擁有自家潮流品牌，誓要化身「潮廷」殺入潮界，他又說：「 不過無論衫褲鞋襪我都會留意，由中學開始都想有一個自己嘅品牌。」
Kawaii擔心好友
而作為大會主持的Kawaii，被問到好友施念慈旗下的藝人陳靜宣布退出幕前，她表示戥好友擔心：「可能佢一時要處理好多嘢先咁講，因為佢都要同客戶交代，因為佢（DaDa）咁樣真係會累咗經理人，希望佢盡快現身解釋，處理番件事。」
文：音樂組