陸永不為囡囡撲名校

組合農夫成員陸永日前出席幼兒產品活動,已是兩女之父的他自爆內分泌失調,在鼻頭貼上暗瘡貼,他笑說:「明明呢個隱形暗瘡貼,竟然現咗形。湊女壓力真係好大,作息時間唔穩定,成日要半夜餵奶,搞到爆瘡。」雖有不少名校已向他兩女招手,但自言不是「怪獸家長」的他,卻說無意送兩個寶貝女讀學前playgroup:「我唔會撲名校,自己都唔係讀名校出身,依家都ok呀。唔想個女咁早讀書,我反而想抽空陪佢玩多啲。」他又一副慈父相稱大女已識叫爸爸媽媽,更識寸嘴說:「點呀!」似乎遺傳到父親的rapper細胞。