婷婷談戀事搵霆鋒擋駕
藝人謝婷婷自與前男友安志杰分手後，感情一直未有着落，而她的哥哥霆鋒自與栢芝離婚後，也一直未有新戀情出現，即使近日傳霆鋒與周迅撻着，婷婷也稱要幫哥哥找到拍拖對象才輪到自己談戀愛，並只會暫時以工作為先，實行寄情工作！
藝人謝婷婷、名模馬詩慧（Janet）及兩名女兒王曼喜、王麗嘉等昨日出席GEOX全新2013秋冬系列預覽。婷婷被問及胞兄謝霆鋒與周迅的緋聞，她表示差不多兩個月沒與哥哥見面，不太清楚：「拍（拖）都好，唔拍（拖）都OK，佢開心就得。」
讚周迅演戲無敵
婷婷表示分別在北京及香港見過周迅一次，更大讚對方很有味道：「佢把聲好好聽，演戲唔使講，係無敵。雖然身材細細粒，但一出聲就好有內涵、學問同性格。（覺得佢哋夾唔夾？）同佢唔熟。（外形呢？）襯！哈哈，我係咪唔可以講呢啲。」問到母親拉姑會否支持霆鋒拍拖？她說：「冇問過父母，不過我諗佢哋都想哥哥有伴。（你幾時有？）幫哥哥搵咗先，我就工作為先。」另外，她坦言不清楚張栢芝何時才帶姪兒Lucas及Quintus返港，亦表示不擔心栢芝帶兩個小孩移民到加拿大，因她可前往當地探望他們。
婷婷昨在instagram上載一張與貌似霆鋒的男人合照，又留言稱被狗仔隊追訪，故公開對方只是契女的父親，實行高調備案。前日，她在中環街頭等車，未幾即見父親四哥坐勞斯萊斯前來接載她。
馬詩慧為女解圍
同場的Janet被問到大女王曼喜再被拍得夜蒲抽煙，她說：「蒲只係一個用語，唔代表佢喺出面好曳，除咗吸煙。開始咗吸就好難戒，大家畀啲時間佢。」她透露三年前在女兒到美國讀書前，曾寫過一封信給囡囡，她說：「我希望佢唔好吸煙同紋身，不過佢都做咗。」
文：名人組