陳潔靈：預咗傳不和

今次是三人第三度攜手開騷，昨日記者會出席只有葉麗儀及陳潔靈，卻未見肥媽現身，台上司儀表示因肥媽臨時有要事未能趕及出席，而擔任演唱會的音樂總監倫永亮及嘉賓鮑比達則來撐場，影合照時，陳潔靈即提議和布景板上的肥媽來個「三人照」十分抵死。

至於葉麗儀稱這次是專程回港出席記招，第二天便返回澳洲直至九月中才回來綵排。而陳潔靈表示與葉麗儀已合作多次很有默契，論圈中拍檔她會選葉麗儀和倫永亮，與二人合作得最舒服，而與肥媽就「講嘢」最合拍。

不清楚酬金

提到三女合作可擔心傳不和？陳潔靈笑言：「冇所謂，每次都會傳，上次我仲問葉麗儀乜我哋不和咩？連我哋自己都唔知。」陳潔靈笑道今次可能傳與肥媽不和，因這天肥媽未有現身。兩人坦言來到現場先知肥媽來不到，她們不會問原因，明白肥媽為人，相信她真的來不了，而三人中肥媽的工作確是最忙。

問到宣傳海報是否一齊影？陳潔靈謂是同一天拍攝，但因時間問題她與葉麗儀拍完便先走，待肥媽和葉麗儀再拍。至於三女酬勞可有分別？陳潔靈笑言：「我都唔係好知自己幾多，係被張生（主辦商張耀榮）誠意打動，總之我哋三個係人生好拍檔啦。」之後記者聯絡肥媽，她稱因身體不適才缺席記者會。

文：音樂組