Lisa S.母乳親子朋友想試
產後首度現身的名模Lisa S.，昨日出席活動時仍未見修身，而她自懷孕後上圍變得豐滿，產後餵母乳的她，上圍更由AAcup暴升至D cup，她笑言現時覺得自己更像女人，希望可以一直keep住這副身材！
久未露面的Lisa S.，自懷孕後一直專心安胎，如今囡囡出世已兩個月，Lisa終於復出工作。昨日她出席BB博覽的美素佳兒媽咪奶粉活動，更即場與荷蘭自家農場主人進行視像對話，了解優質奶來源。
仲要減20磅
現場所見，穿上連身裙的Lisa仍見豐腴，還未修身，上圍更有逼爆感覺，她說：「我臨分娩前最高峰係200磅，我以前133磅，依家153磅，所以仲欠20磅減，不過我以前太瘦，其實以我嘅高度，143磅先係正常！不過我依家有D cup，之前係AA cup，所以我依家好有自信，覺得自己更加女人，希望呢個size可以一直維持。哈哈！」
潮媽又大談餵人奶的趣事，她說：「餵人奶好奇妙，亦係最好嘅親子時間，同BB好親近，因為餵人奶，所以我要食得好清淡，要戒我最鍾意嘅辣嘢，試過有次食完辣嘢餵人奶，囡囡飲完個樣好奇怪！」
嘴似吳彥祖
Lisa表示因為已復出工作，所以除了在家時親自餵哺外，亦會把人奶雪藏起來，記者笑問她產前可有與老公吳彥祖預先「綵排」餵人奶？她笑說：「哈哈冇呀，不過就有好多朋友話想試吓我啲奶！」問到兩個月大囡囡像誰？Lisa笑說：「佢有個老公好signature嘅餅印嘴，對眼同個鼻就似我，好多人都讚囡囡好靚，老公當然好擔心！」
文：名人組