王祖藍千三萬豪宅等結婚

無綫藝人王祖藍與李亞男拍拖四年多，近年一直盛傳二人有結婚打算，更指祖藍四出物色心水樓盤作結婚屋。可靠消息指，祖藍最近落實以約1,340萬購入大埔雅景花園一幢1,700多呎的獨立洋房，該洋房有無敵大海景，如此揼本買靚屋，估計是與李亞男好事近。
王祖藍可能於兩年後娶李亞男。（資料圖片）
王祖藍可能於兩年後娶李亞男。（資料圖片）

祖藍昨接受電話訪問時，雖直認買樓，但卻否認與李亞男結婚：「係有咁嘅打算，都要兩年後o架喇。（咁係咪同李亞男一齊住？）唔係，係同媽咪同妹妹住。揀大埔係因為細佬一家都住附近，方便互相照顧同媽咪睇孫。」由於雅景花園在比華利山附近，祖藍更笑言將來可與陳豪做鄰居。

有指祖藍買入大埔雅景花園一幢洋房。
  • 有指祖藍買入大埔雅景花園一幢洋房。