陳慧嫻即興扮糖妹

歌手陳慧嫻前晚出席電台訪問，提到月底有份演出唱片公司的群星演唱會，慧嫻說：「內地傳媒誤會係我個人演唱會，仲話李克勤、關淑怡等多位歌手做嘉賓群星拱照我，其實好大誤會，要澄清番，最擔心啲人買飛以為係我個唱，點知我唱幾首歌就走嘞。」她的個人演唱會已計劃明年舉行。

一直有指糖妹（黃山怡）激似慧嫻，早前慧嫻竟反扮糖妹，還把相片放上微博，慧嫻笑說：「當時喺後台等出場，有個舞蹈員好似劉翔，我咪即興扮糖妹，其實我哋未碰過面，不過佢唱歌唔錯。」