「靚佬湯」湯告魯斯（Tom Cruise）周日與養子康納（Connor）現身三藩市灣高科技雙體船賽，靚佬湯力撐新西蘭隊。原本他只坐在劃有貴賓區的船上睇騷，怎料比賽完畢後，靚佬湯先換上型爆戰衣，再戴上印有「3」字的頭盔，其後便與新西蘭隊成員駕雙體船，與康納分道揚帆，兩父子力爭水上最強之名。事後連同場的專業駕駛員都讚靚佬湯是天生駕駛雙體船的好手。