胡耀輝暗示張暖雅裸照被盜
性感女星張暖雅裸照流出，又被爆與導演胡耀輝已婚，據知，張暖雅有意八月頭回港搞記招交代事件。而剛從內地回港的胡耀輝昨到電影公司開會遇上記者，他承認已婚，但拒透露婚禮詳情，談到太太的裸照，他謂：「交由佢講，佢應該好快返香港，我絕對支持老婆，亦唔介意。（太太心情點？）我好多嘢做唔係好得閒，有通過電話，傾咗幾句。（佢只承認同你拍拖？）唔會，佢講得唔好啫。」
對於太太裸照流出，胡耀輝說不排除採取法律行動：「偷人嘢唔該聰明啲，有做過一定查得出，刑事責任嚟o架。」至於太太與前經理人的瓜葛，胡耀輝激動說：「我知道有呢個人（指前經理人）好耐，對佢冇好感同印象，你估佢係霍汶希同黃柏高咩？」