亂傳與周迅撻着Mani:霆鋒莫名其妙

離婚後的謝霆鋒突然傳出與周迅撻着,因為周迅來港定居,正正租住霆鋒剛租約期滿的栢舍,事實上霆鋒早幾個月前已物色了中半山豪宅新居,近日才搬屋。

昨日霆鋒經理人Mani(霍汶希)代為否認緋聞:「今日霆鋒特登嚟慶祝張敬軒加盟英皇,唔想接受訪問,兩個(霆鋒、周迅)絕對唔係一齊,霆鋒都覺得莫名其妙,佢同栢芝離婚至今,一直都係單身。(霆鋒識周迅?)一定識,之前係鄰居住同一棟大廈,但百分之一百唔係一齊,希望傳媒唔好亂猜測。」而幫周迅工作的楊小姐也斥傳聞造假,完全沒有這回事!