許亦妮素顏冇粒粒 自評100分

前港姐許亦妮(Whitney)鏡頭前總是化行妝,以最佳狀態示人,但私下的她原來甚少化妝,她說:「平日出街我會唔化妝,但會帶番副太陽眼鏡,唔係因為我寸,係因為做嘢時雙眼已經好用神,所以平日就想relax啲,畀雙眼同啲皮膚唞唞。」

五官深邃的Whitney,卸妝後除了年輕幾歲外,眼大大、鼻高高、面尖尖的她十分省鏡,獲2011年最上鏡小姐的頭銜可謂實至名歸!對於自己的素顏打幾分?Whitney信心爆棚的說:「一百分!我皮膚好好、冇粒粒,唔化妝會即刻變細個,有人話我似十幾歲,仲話我男仔樣似陳曉東,如果我係男人,應該好靚仔。」

Whitney不擔心被男友睹其「真面目」:「如果佢連我素顏都接受唔到,咁即係唔係真心鍾意我啦,其實我好鍾意聽到男友話我唔化妝仲靚!」