唯唯「情變」嚇病苟姑娘
馬德鐘、梁烈唯（唯唯）、羅仲謙、洪天明、鍾嘉欣一眾《飛虎II》演員昨入廠參加開鏡拜神儀式。出席演員名單上原有苟芸慧名字，但宣傳人員表示：「苟姑娘唔舒服，唔嚟。」苟芸慧近日緋聞纏身，連梁烈唯都與她傳過。當唯唯知苟姑娘唔到，就笑住話「傳緋聞使乜驚呀？傳我最好，係人都知係假嘅，（傳你有緋聞，係度拖婚喎？女友都搬走埋。）邊有拖唧，報道仲話佢搬走咗，邊有走到，我地拍咗拖11年，風吹唔甩，佢啲屋企人都唔信，反而啲街坊仲緊張，話可以證明佢冇搬走。」唯唯希望一、兩年內結婚。
馬德鐘撐老婆
鍾嘉欣演刑事情報科探員，因查案壓力大，精神常處於緊張狀態，「我變得暴躁，塊面崩緊，講嘢大聲，又要眼凸凸，依家眼都凸埋，若接到眼藥水廣告拍，有人贊助眼藥水用就最好。」
馬德鐘與太太前晚出席《狼人武士激戰》，對其妻對近日播的《衝上雲霄II》有批評。馬德鐘指妻只是以觀眾立場說話，他覺得吳鎮宇戲好，張智霖夠型。陳爽亦穿着艷麗與夫看首映，佢話：「老公鍾意我着得靚，我覺得自己似支螢光棒。」
文：影視組