諸葛補到躁 認生蛇B
準媽媽諸葛紫岐（Marie）昨日首度開腔承認有孕兼出席公開活動，正如昨日《好報》所報道，Marie表示考慮在加拿大分娩，雖然由馬B變成蛇B，但她認為BB是天賜的禮物，故一樣開心。她又自爆奶奶經常為她進補，老公薛嘉麟則任她發脾氣兼陪出陪入，大晒幸福。
「薛王妃」諸葛紫岐自懷有「岐麟B」後昨日首度公開露面出席牛仔褲品牌活動，她腳踏兩吋高的船踭鞋，手上戴有五卡閃爆鑽戒，一臉幸福，Marie受訪時主動說：「我依家大肚，會着彈性、舒服嘅鬆身褲。」首次開腔承認懷孕。
Marie坐下來接受訪問，身材沒甚改變的她被問到懷孕多久及BB性別時，她稱想保持神秘，故不肯透露。
昨日《好報》報道她有意在加拿大待產及預花費百萬，她承認加拿大是考慮之列，她說：「家人好多意見，我老爺鍾意澳洲。我自己只要安全唔痛就得。至於用幾多錢無諗，最重要BB健康。（想開刀定自然分娩？）聽咗好多意見，但唔想諗太多。（有冇妊娠反應？）我冇嘔，食嘢OK。」另外，《好報》指她計錯日子，以致由生馬B變成生蛇B，她坦言沒有預計今年內懷孕：「呢個係天意，係個天畀我嘅BB，好開心。」
老公陪出街
受萬千寵愛的Marie稱母親有來港探她，而奶奶亦不時煲靚湯為她進補，她笑言：「不過補得太多會躁，會發脾氣。（你發過？）一定有，有對老公發脾氣，但佢接受。（老公唔畀你着高踭鞋同出街？）我自己都唔會着高踭鞋，唔出街好悶，佢成日陪我出街。（老公會唔會為BB剪臍帶？）佢梗係想，但我怕佢暈，到時要救佢。」
對於有報道拍到Marie與陳曉東（東東）食飯，傳東東將加盟Marie老公薛嘉麟旗下的Neway，取代約滿的張智霖成為一哥，Marie稱與對方是朋友：「鍾意佢靚仔、高大又唱得好，但唔到我話事，佢同我老公都有見過同傾過。」問到陳法拉與Marie老公的胞兄薛世恒分手一事，Marie直言不回應，只表示有與薛世恒食過飯，而他心情不錯。
文：名人組