高海寧恨拍古裝劇
TVB咪神高海寧（高Ling）昨日到屯門出席活動，身穿低胸裝的她略晒兩吋事業線，又大擺V字手勢扮Cute，Sweet到爆！她透露拍完劇集《My盛Lady》後感覺失落，最近晚晚煲劇收看內地劇《步步驚心》：「我希望有機會拍古裝劇，有人讚我古裝Look靚。」
提到藝員歌唱節目《星夢傳奇》甚受歡迎，問到可有參加？高Ling自爆有參加面試，但第一Round已被Foul：「當時好緊張，同出騷感覺完全唔同，手都震晒！所以晉級嘅同事已經好叻，鄭俊弘唱得好感動，希望佢可以贏啦！（評判太嚴？）幾好呀！好專業，我聽過巫啟賢現場唱歌，好聽到毛管戙，得到佢嘅批評係賺咗！」