Miki勝在男友撐 傅穎底睇
兩位「餅女」傅穎（Theresa）與楊愛瑾（Miki）書展正面對撼，兩人送抱之餘又互換作品。論性感，有愛情滋潤的Miki自爆獲男友掃寫真，更以黑色透視裙小勝一仗。Theresa則自揭打美容針急救靚樣，最後更來一招春光乍洩成功「底」抗Miki。
前組合Cookies成員Theresa多年來一直有傳與「死敵」鄧麗欣（Stephy）不和，昨日為個人畫集出席書展簽名會時，與「Stephy黨」的Miki碰個正着。雖然Theresa已有七年出書經驗，但與首度出寫真的Miki相較之下，兩人的粉絲人數不相伯仲，大會一百五十個籌全數派完，第一局比粉絲打成平手。
先禮而後兵
「餅女」重逢當然先禮後兵，兩人除了一抱泯恩仇外，更互相交換個人作品示好，不過論性感程度，Miki以一身黑色透視短裙，略勝鬆身「紅白馬賽克」的Theresa。Miki更一副甜絲絲樣自爆男友郭永淳低調掃寫真：「唔好問幾多啦，總之佢買咗超過一本以上。（男友唔撐場？）唔想咁張揚，感情要低調，有心就得。」出動到晒恩愛，單身Theresa第二局宣告慘敗。
認打美容針
幸好Theresa懂得奇招反勝，屢傳整容的她被問到下巴有「古怪」時，她否認整容：「我下巴不嬲比較平，整容新聞好耐歷史，年紀大咗我唔介意微整形，我有打美容針，都想打去皺針，但驚塊面會郁唔到，咁就做唔到戲。」最後當粉絲送上蛋糕時，Theresa不經意露出白色打底褲洩春光，搶鏡程度足以徹「底」反勝！
文：音樂組