張智霖袋7位數 投効蕭定一
近日盛傳張智霖（Chilam）即將和公司「澤東」約滿，獲多間公司向他招手，但當中以「Neway」和蕭定一的「China 3D」出手最闊綽，Chilam經考慮後，決定以7位數成為蕭定一旗下藝人！此外，Chilam在這星期播出的《衝上雲霄II》中，將會犧牲色相，除了有床戲外，更會「露械」人前！
近日盛傳張智霖約滿合作多年的公司「澤東」，迅即成為多間公司的「獵物」，當中以「Neway」和蕭定一的「China 3D」最夠誠意，大施銀彈政策。據悉，Neway讓Chilam任開條件，但無奈該公司沒有電影部門；相反，China 3D開出天價7位數之餘，更承諾會開多部電影力捧Chilam，因而打動熱衷電影的Chilam，最後決定簽約成旗下藝人！
囝囝反對拍咀戲
消息指，Chilam與澤東的合約早在《衝上雲霄II》播出前已結束，但他飲水思源，讓舊公司繼續為他接job，而新約將於9月1日生效！對此，Chilam就保沉默，更謂：「有誠意嘅公司都會考慮，有新去向會同大家講，但暫時冇嘢講住！」
此外，Chilam主演的熱播劇集《衝上雲霄II》播出一星期，最高收視高達35點，劇中Chilam和多位美女有親熱戲，就連老婆袁詠儀日前在上海出席活動時，都大爆囝囝張慕童曾極力反對他拍攝咀戲！不過，慕童要失望了！因為今個星期將播出Chilam和梁政珏的床上戲。
小儀猴擒吳鎮宇
除了床戲，Chilam還要犧牲色相，在一次沖涼時突然停水，他用毛巾包住下半身走出廳求救時，毛巾不慎滑落，令他「露械」人前！
而慘受喪妻之痛的吳鎮宇，就得到陳法拉介紹去相睇，但對象竟然是小儀，之後小儀和鎮宇更會成為好朋友。早前小儀在微博上載一張從後「生擒」鎮宇的照片，小儀在接受電話訪問時表示，原來是鎮宇先作出主動：「唔好話我擒佢，我驚畀人打！嗰陣拍完喺服裝間，佢話影張相，但要搞怪啲！」
文：影視組