Annie G.增肥升cup
o靚模Annie G.現時脫離模特兒合約，回復自由身的她事業運更愈見順利，愈賺愈多！不過Annie坦言，回想入行最初，曾因目睹模界「豪乳連連」，自卑感油然而生，更閃出隆胸念頭，不過因她變肥長肉後，胸部隨之變大，才讓她自信番晒嚟。
中國、西班牙混血兒Annie G.（吳燕安）自今年年初脫離GME模特兒公司合約，正式回復自由身！
Annie下此決定，坦言因與前公司工作理念不同，她說：「公司想我主力做主持工作，但我就想繼續打碟！喺意見不合嘅情況下，最終決定脫離合約，自己接鍾意嘅工作！」
打碟月入十萬
雖然現時並無經理人替她接Jobs，不過Annie表示也賺得比以前多，更笑說：「依家平均一個月會接5場打碟騷，加加埋埋每月都有十萬蚊進帳！」
Annie現時事業發展愈見順利，不過回想入行初期，她曾因面對着o靚模界有如此多「巨胸黨」，初時也感自卑，更一度有隆胸的念頭，她說：「以前真係有，當時比較瘦，見到其他女仔身材咁勁，都會覺得比下去，所以都有諗過隆胸。後來我開始變得肥肥哋，又發現我多少少肉，個胸就會大番啲，所以就覺得冇乜需要隆胸，而且都驚做手術！」
最怕上圍縮水
雖然一般女仔都是怕肥，不過Annie卻甚為另類，更自言最怕瘦，她說：「通常我一減肥，就會好瘦，仲會瘦到冇咗個胸，當一見到自己咁，我就會同自己講：『我好想有番個胸！』所以以後Keep Fit，我都一定唔會Keep到好似以前咁瘦！」
文：專案組
攝：黎志輝