吳尊自信爆棚 200%天然

整容成風,台灣型男吳尊堅稱自己是百分之二百的美男子,但他卻不介意另一半整容,坦言愛對方的性格與內心,樣貌只是其次!

前晚意大利品牌Gucci的佛羅倫斯鞋匠團隊親臨香港,更即場表演卓越的手工藝技術,品牌為隆重其事而於中環舉行酒會,台灣型男吳尊亦有現身撐場。對於有網民指飛輪海組合成員之一的好友汪東城與唐禹哲愈來愈似樣,有整容之嫌?他力撐好友:「我哋三個月冇見,可能係身材好咗,佢哋應該唔會整容,只係髮型唔同帥氣咗,又或者曬黑變瘦咗,係好事。(你分唔分到佢哋?)分得到!我哋兄弟幾多年呀?點會分唔到!」

記者直問他介不介意整容時,他坦言看個人決定,對自己很滿意,感謝父母的恩賜,至於是否覺得自己完美?他反應甚大:「梗係唔係,冇人係完美,但心裏面要學會完美。(咁你係咪100%天然?)係200%呀!(介唔介意另一半整容?)唔介意,整容太普遍,有40至60%嘅人都有整容,我鍾意人嘅內心同性格,唔係個樣!」

樂基兒同黎明冇聯絡

同場還有樂基兒、周汶錡、鄧愛嘉、曹穎惠、郭子豪等,樂基兒表示每次回港都住好友家或酒店,對於被指住低級酒店時,她說:「住邊唔係問題,讚我或話我唔好都唔會理,我有自己生活。」繼又稱與前夫黎明已沒有聯絡,又否認外間所指離婚後生活質素下降,只是外間人覺得唔同,但自己冇變過。

此外,林德信表示曾想過當鞋履設計師,也愛欣賞女性的美腿,揀女友亦會留意雙腿線條,問他有否戀足癖影女人腳?他反應甚大:「唔會!咁戀態!」至於緋聞女友姜麗文與鄭俊弘傳緋聞,他表示剛回港,不知發生甚麼事,又表示同姜麗文是好朋友,跟她沒有拍過拖

文:名人組