JC撐Ana R.人靚唔out

「警鐘胸」名模Jessica C.下星期將飛返美國探男友,實行「送外賣」。而提到同門師姐兼好友Ana R.被o靚模批評脫節,她即力撐Ana有豐富模特兒經驗,人又漂亮,絕不會過時。

「警鐘胸」Jessica C.(JC)、藝人梁政珏昨日出席大埔超級城《夏日動感樂園之旅》,JC穿上tube dress,而梁政珏則穿上心口通花的白色貼身短裙,性感度更勝JC,非常吸睛。

JC表示在香港生活繁忙,容易感到有壓力,又透露下星期將返洛杉磯會合男友,帶男友到芝加哥見家人。問到屆時會否叫男友替她按摩減壓?她笑言:「佢唔得o架,不過我好鍾意按摩,或者我可以幫佢按。」問她挑選暑假返美,是否為避來勢「胸胸」的o靚模風頭?她笑言:「都係一個好嘅原因,不過我冇諗過。」

而提到師姐Ana R.批評時下o靚模寫真,卻被o靚模反批評她脫節一事,她力撐Ana說:「佢係我嘅大家姐、係我榜樣,係一個好有經驗嘅模特兒。佢個人唔尖酸刻薄,只係誠實。佢好靚,係永遠都唔會out嘅。」

梁政珏唔想再行泳衣騷

而同場的梁政珏則自爆在剛拍完的無綫劇集《衝上雲霄II》中,與張智霖(Chilam)有床上戲,更坦言挑戰了電視尺度。她笑言:「自己好鍾意袁詠儀,所以同Chilam拍床戲好緊張,同偶像嘅先生拍床戲好似好對佢唔住咁。Chilam好專業,帶我入戲。」另外,她坦言不再希望行泳衣騷,因穿比堅尼感覺很裸露,令她很緊張。

文:名人組