錢國偉揀女夜蒲 o靚模胸群而出

電影《喜愛夜蒲3》昨日在九龍塘選角，吸引近40名o靚模群胸出動，包括Celia K.（郭穎兒）、Mika（蕭美卡）、Connie（文凱玲）和組合AD2等，眾女更以比堅尼上陣，而導演錢國偉（Wilson）和監製伍健雄亦親自到場甄選。

再露乳暈突圍

Wilson表示今輯有意跳 出香港，到台灣、韓國等地取景，他表示DaDa、王宗堯和陳柏宇已確定演出，其後他接受電話訪問指DaDa角色將續第一輯：「佢已經同王宗堯結婚，會同一個男新人有婚外情。」問到DaDa奪得金像獎後會否不再有性感演出，Wilson就謂：「都會有啲肉搏場面，但我哋唔係拍三級片，會點到即止。」

Celia K.以甜美笑容突圍。

Aily再度露暈，成功出風頭。

其後致電DaDa時，她稱不會因貴為金像獎得主便變得錫身：「唔想set個界限畀自己！（會加價？）都會加返個市場價。」當記者笑言她忘恩負義時，她就否認，更指對該片有情意結：「自己都好想拍，始終係依套戲令大家關注我。」

蕭美卡	錢國偉選角，吸引近40名o靚模性感搏盡。

Ar Yu冒認女角

試戲期間，在前晚出席活動時已走光兼露乳暈的組合AD2成員Aily，似乎覺得唔夠喉，昨日再次露暈，成功突圍！她同成員Amy受訪時，乳暈繼續現形，當記者提醒她時，她卻目光呆滯，無動於衷，要Amy幫忙整理，更為她辯護：「佢個胸太大啦！」認真搞笑！

而有寸嘴Barbie之稱的夏尉喻甫出場便大賣口乖，向Wilson狂擦鞋。相反，Connie完成試戲時，就被錢國偉連講兩次「very good」稱讚。另一邊廂，昨日他於微博怒轟o靚模曾寶玲（Ar Yu），冒認《喜》片系列女主角為內地騷造勢，對此Ar Yu透過經理人強調從來沒有抽水意圖，並謂事件只是誤會。

文：影視組