夏韶聲寸巫啟賢想出位

藝人夏韶聲昨日擔任節目《勁歌金曲》嘉賓，提到巫啟賢於《星夢傳奇》中喪插參賽者，無綫為力保藝人刪去狠批片段，曾任《超級巨聲》評判的夏韶聲，雖然表示沒看該節目，但認為參賽者均是藝員，故評判評分時不需太狠，他又暗寸巫啟賢：「係咪佢想自己出位？我做咁多次評判都冇咁狠，只會講到好好笑，咁入腦仲易啲，藝人都唔係唱歌嘅，個個都知巫生唱歌得，但佢唔使咁批評，以為咁樣會增加娛樂性，其實係破壞，咁傷害人冇意思。」