趙式芝勸陳振聰：獄中好好反思

陳振聰自1992年結識「小甜甜」龔如心後，原為風水師的他即有如含住金鎖匙「再」出世。不過前晚陳振聰被判偽造和使用虛假文書罪成，昨日被判囚12年，昔日億萬富豪淪為階下囚，更遭法官直斥「極度貪婪」，事件轟動全城。

對於判決，龔如心契女趙式芝昨日接受電話訪問時不願評論是否合理，但感嘆終可還龔如心一個公道：「終於可以還契媽一個公道，佢可以安息，佢嘅遺產可以根據佢自己嘅意願分配及用作行善。」提到陳振聰被法官指無聊、極度貪婪及毀壞龔如心聲譽，趙式芝憤慨謂：「毀壞佢嘅聲譽先係最嚴重！」她坦言見過陳振聰，不覺得對方是個大奸大惡的人：「佢依家信咗主，希望佢喺獄中好好反思。」

Bob衷心講抵你死

至於圈中藝人亦紛紛怒插陳振聰，其中以阿叻表現最激。阿叻昨日出席港姐活動時直指陳振聰失禮香港：「香港整咗個咁失禮嘅人，就算畀100億我都做唔到，我都要改姓黃喇，跟黃杏秀姓！」阿叻又認為對方罪有應得：「陪審團個比例成7比1喎！我反而想知係邊個覺得佢冇罪囉！全世界都認為佢有錯，今次都好難翻身！」

阿叻很想知哪位陪審員覺得陳振聰冇罪。	龔如心	楊焉認為法庭判決合理。（資料圖片）

林盛斌（Bob）昨日亦在微博寸陳振聰抵死：「希望你可以用呢12年，好好反省，出嚟做番個好人，喺度衷心同你講一句：『抵你死！』」出名寸嘴的卓韻芝亦力數陳振聰六宗罪，包括「招搖撞騙」、「無恥黑心」、「貪婪愚昧」、「欺騙感情」兼「歪理連篇」等。o靚模楊焉則留言：「終於罪名成立。」並且在句尾加了三隻大拇指圖案。

梁泰來撐信主謙虛

電台節目主持梁泰來昨日則在節目中大唱反調，指陳振聰真心信主，更稱對方在判案前曾三度在社交網絡，將聖經羅馬書第8章26至28節的經文發送給朋友。他說：「好多人覺得陳振聰抵死，但起碼佢肯承認錯事，都似番個人。雖然我只係識咗佢幾個月，但係我見到佢信教之後變得謙虛咗好多，好似變咗另一個人咁。佢已經冇理判決係點，所有嘢交由主嘅旨意。」

文：專案組