Ana R. 狠批o靚模三宗罪

一班新女趁「胸模」前輩退出寫真戰而乘機爭上位，大玩半裸又玩雪糕，可惜仍欠睇頭，反而「魔鬼胸」蔚雨芯、sell美感的無綫花旦鍾嘉欣與楊愛瑾的呼聲較高，而今年首次有三位「肌」男加入寫真戰，晒肌亦成另一賣點。不過在模界打滾多年的名模Ana R.卻狠批一班o靚模「無新意係咁抄」、「似機械人聽order剝衫」及「似軟性鹹書」三宗罪！更選Dominic、新進o靚模組合FF(x)及黃榕慘成「最差三甲」！

乸型似女人

Ana鬧爆FF(x)抄橋似「copy cat」︰「之前都有人喺身上搽Cream，本來非常欣賞第一個影呢個構思嘅人，但之後影嘅人就好似係copy cat，冇新意。」她又彈黃榕在胸口搽心形cream非常騎呢。對於o靚模玩半裸，Ana又批評她們只識聽命令剝衫晒「胸器」，更指梁晶晶的擘髀寫真相是「軟性鹹書」︰「仲差過之前幾年嘅寫真集，如果下年都係咁，建議佢哋唔好出寫真。」至於三位「肌男」的作品，Ana指Dominic於拿着檸檬放在面上的甫士「乸型」︰「完全唔明點解男仔要影呢啲相，呢啲應該係女人影嘅！」

FF(x)成員Cecilia 抄橋

梁晶晶 似鹹書

蔚雨芯索爆

另外，Bob激讚首次出寫真的鍾嘉欣和楊愛瑾（Miki），當他看到鍾嘉欣的寫真相時，更興奮得連續高呼5次「嘉欣BB」，問到嘉欣BB的寫真有甚麼吸引他？Bob流晒口水說：「平時嘉欣BB着得密實，今次有泳衣相，係人都想睇啦！」至於Miki的寫真照，Bob不斷喘氣說：「吓！呢個Miki嚟o架咩？唔得，回唔到氣，Miki？好難認到佢，好鍾意呢輯相！」他又大讚蔚雨芯的寫真照：「索到冇嘢講！」

黃榕 騎呢	蔚雨芯的水着寫真備受讚賞。	楊愛瑾的水底寫真，睇到Bob不停喘氣。

文︰專案組