黃心穎升cup選世姐

官恩娜(Ella)、關菊英及黃心穎等前晚出席慈善節目《明愛暖萬心》,谷胸露3吋事業線的黃心穎說服飾是由公司安排,她表示因肥了五至七磅,上圍才有此效果:「係有升cup,但唔知幾多,不過嚟緊都要減,因為9月要參選世界小姐。」

首次表演唱粵曲的Ella表示心情緊張:「我出道10年,媽咪首次主動同我練歌,佢聽完我唱,話我唔夠感情,因為首歌《賣花女》係講被拋棄。(你愛情如意,所以投入唔到?)依家感情正常,實有失過戀,咪攞番以前啲感覺嚟唱。」瘦了一圈的Ella表示為拍唱片封套減肥:「瘦咗八、九磅。(上圍縮水?)好難縮,再縮就會消失,變『消失的上圍』。(男友心痛?)佢都有話我瘦咗。」