鑽石王老五郭富城飛甩熊黛林後回復自由身，對有報道指城城在上海夜蒲有女黐實，身在北京為電影錄歌的城城透過經理人小美回應：「對於呢啲譁眾取寵嘅封面，睇到嘅只能說句無奈，唔會有太大感覺，而嗰個係我哋一個上海朋友嘅結婚派對，係好正常社交，不值得小題大造同大驚小怪。」城城更在微博留言問心無愧，並上載當晚被指夜蒲與友人的合照。
