吳啟華有福「殺」盡師奶
於《Aerobic Girls》演情聖的「師奶殺手」吳啟華，可謂享盡齊人之福，他昨於記者會上透露答應演出乃畀面「師傅」曾志偉，面對大部分已為人母的對手，他笑謂：「咁多師奶嚟，梗係要搵『師奶殺手』啦！」
啟華透露原定暑假與女兒四圍旅行，但最終卻接拍了該劇，因而激怒了囡囡，他謂：「個女唔開心，套劇要拍3個幾月，但10月我接咗第二套內地劇，所以只能畀2個半月佢哋。（套劇有冇咀戲？）後生版先有，咁多個女角我只係同陳慧珊合作過，今次都係同佢、李若彤對手多啲！其他人係暗戀我，其實我當年訓練班都好多人暗戀o架！」