《摩登家庭》（Modern Family）女星蘇菲亞維嘉娜（Sofia Vergara）前日一口氣上載多張與未婚夫Nick Loeb甜蜜度假的照片，晒幸福之餘還公開晒靚籮！從照片中可見，戴上黑超的蘇菲亞躺在泳池旁一邊享受日光浴一邊自拍，而拍照的角度正正影到她的招牌靚股，即時搶去其靚樣的風頭，吸睛指數爆晒燈！另外一張則可見蘇菲亞繼續在泳池旁晒身材，曲腳騷長腿，而身旁的Nick已經急不及待落水降溫，十分悠閒。
除此之外，蘇菲亞仍有不停玩自拍，站在後面的Nick亦舉起雙手搶鏡，表現雀躍，兩人還到餐廳一齊食超巨型的棉花糖，蘇菲亞一手將棉花糖塞晒入口，十分搞笑。