蔡加敏生第三胎未收工

玩具大王蔡志明喜事連連,已育有一女及孖仔的長女蔡加敏(Carmen)剛於父親節在醫院順利誕下男B,對於這份父親節禮物,Carmen丈夫馬鴻銘(John)心情分外興奮。昨日John接受電話訪問時表示:「BB樣就似我,都似佢哥哥。(Carmen生呢胎辛唔辛苦?)OK嘅,係攰啲啫,第三胎所以有經驗,今次都係開刀生,而BB細粒咗啲,都足月。(老婆幫你生咁多個,係咪錫晒佢?)梗係!(收工未?)呢樣又好難講,有時啲嘢係整定,我哋仲有計劃。」

而榮升第三任外公的蔡志明昨日就透露自己剛從澳洲返港,對於再做外公當然感到開心,他說:「我今晚就會去探Carmen同BB。」