楊思琦憂女發燒直認感情創傷

已為人母的楊思琦前晚於電視城錄影無綫節目《超級無敵獎門人終極篇》,她自爆女兒近日發燒,令她十分擔心:「呢排佢瘦咗啲,唔知係咪出牙仔有影響,佢四隻大牙一齊出,條脷又生痱滋。」問到父親節會否倍感傷心?作為單親媽咪的思琦拒提B女生父:「唔會,我預早一日同daddy慶祝,因為佢忙啲。」

追問生父有否想見囡囡?楊思琦笑道:「你玩咩,又問啲咁嘅問題,我唔答,講另一啲!」思琦又於真心話環節中,直認曾有感情創傷,志偉亦手下留情不再追問,他說:「我唔想喺你傷口上灑鹽。」

陸永女端午節出世

至於同場的陸永指為二女改名陸一心,並笑謂:「無喇喇端午節生出嚟,原來預產期係六月尾,佢吼公眾假期入院又貴啲。之前畀咗啲公仔大女,教佢點對妹妹,但佢成隻支解咗,我驚細女過唔到滿月,但佢返到去好錫妹妹。」郭政鴻則強調剛返港,對舊愛滕麗名與魏駿傑的罵戰不知情,語畢即快速閃人。

文:影視組