JC響警鐘陳煒 陳煒甘拜下峰
「警鐘胸」女模Jessica C.昨日出席活動時表示最想趕走眼袋和黑眼圈問題，不過就沒有想過要隆胸，雖然她自言胸部比起荷里活女星屬小巫見大巫，亦不認為自己胸部完美，不過就足以令同場的Mandy Lieu及陳煒甘拜下「峰」。
以「警鐘胸」聞名的混血女模Jessica C.（JC）昨日「胸」降醫學美容活動，大騷招牌「警鐘胸」，同場還有同是模特兒的Mandy Lieu以及女藝人陳煒。問到JC有關整容問題，她指自己仍後生不用整，但現時她最想改善自己的眼袋和黑眼圈問題，她說：「眼袋同黑眼圈令我睇嚟好似好攰咁，亦都令我感到焦慮同尷尬，我瞓醒見到男友時，都會戴番副眼鏡或者搽番啲遮瑕膏先。我會嘗試用激光美容去改善問題，但就唔會做手術切除，因為有少少驚，同埋唔想個樣咁唔同。」
男友話唔使整
至於可會考慮隆胸？她表示不會，可能老了才會，JC說：「雖然我個胸同啲荷里活女星比係好細，但我唔會隆胸，我都有問過男友使唔使隆胸，佢話唔使。（你覺得自己胸部係咪完美？）我唔覺得係，OK啦，如果我着超deep V會好似平胸咁樣咩都冇，又會騷到啲骨出嚟，所以要用push up。」
Mandy就在台上詢問醫生有關隆胸的問題，原來她是因為看了荷里活女星安祖蓮娜祖莉切除雙乳預防乳癌的新聞感到很震撼，她說：「之前冇咩呢方面嘅資訊，好驚患乳癌，覺得冇咗對胸對女仔嚟講係世界末日，想知道一個女性割咗乳房會點，以為要戴假胸，冇諗過可以建造對胸，依家啲科技真係犀利。」
Mandy愛賞胸
她謂並沒有想過要隆胸，但喜歡欣賞別人的胸部，大讚同場的JC上圍吸引。提到她近日所拍的情慾電影，她謂很激的那場激吻戲仍未拍，她說：「好想快啲拍，了咗件心事。」她又透露接拍了另一套電影，自己算影壇新人，感到很幸運，希望能有多些拍戲機會。而以中門大開裝束示人的陳煒被問到同場有勁敵Jessica C.，她即謂沒有壓力，她甘拜下風，不用比較。
文：名人組